大家係咪周不時都聽到，有神秘力量令建築物晃動咁呢？最近嘅例子計有：
What if I told you… 呢啲籠罩住建築物嘅神秘力量，同時會罩住個股價～～（唔係罩住個股！）
要開始研究神秘力量同股價嘅關係，首先要返返去 1999 年～（遠目）其實賽格廣場喺 2021 年嘅晃動，並唔係第一次。有財經新聞講過，喺 1999 年國慶期間，賽格廣場亦喺冇乜風嘅情況下發生過明顯晃動。
而深賽格（000058）當時嘅股價喺國慶假後亦應聲下跌，並且一衰就衰兩個月，之後先上得返國慶前嘅水位：
而今次 2021 年嘅晃動之後，深賽格嘅股價就頹咗 3 個幾月，到 9 月 2 日先突破得返晃動前嘅價位。（之後嗰日仲升夠 10% 漲幅限制添。）（本人係會睇佢連續兩日都維持得到喺晃動前嘅收市價之上，先至當係成功突破咗。）
你見我圈住啲「挑戰 1」、「挑戰 2」，係想講：似乎每次建築物晃動事件之後，相關上市公司喺晃動前嗰日嘅收市價係會成為一個阻力位，要衝返起碼 3 次先衝得破。
你可能會話，唓～ 嗰一隻股票兩個例子，咁都算理據？有冇第二隻股票呀？有！剛才一開始提到喺 2000 年神秘抖動過嘅虎門大橋，就係由越秀交通基建（1052）揸住 28%。咁大橋未抖同抖動之後嘅股價變化係點樣嘅呢？好可惜，今次該公司嘅股價始終都沒有 happy ending：
嗱嗱嗱係咪呢！！一樣見到「挑戰 1」、「挑戰 2」㗎吓！！但可能間公司嘅其它項目太垃圾，兩次挑戰之後一路浮浮沉沉（主要係沉）至今。🚬 不過下次隻嘢上試 5.51 嘅時候不妨留意下。（係食花生咁樣留意法咋！唔係叫你買！本專欄不構成投資建議、股價可升可跌、仆街唔好喊 etc.）
